Қоғамымыздың ең өзекті мәселелерінің бірі – азаматтық қоғамның қатысуынсыз шешілмейтін сыбайлас жемқорлықпен күресу міндеті. Қазақстан тәуелсіздік алған алғашқы күннен бастап жемқорлықпен ымырасыз күрес жүргізіп келеді. Бұл жұмыстың негізгі бағыттарының бірі – қоғамда сыбайлас жемқорлыққа қарсы мәдениетті қалыптастыру.
2024 жылғы 5 ақпанда қалалық Достық үйінде «Сыбайлас жемқорлыққа қарсы мәдениетті қалыптастыру» тақырыбында Алматы қаласы Қазақстан халқы Ассамблеясының отырысы өтті. Жиын модераторы Алматы қаласы ҚХА Ақсақалдар кеңесі төрағасының орынбасары – Оспанов Болат Мұсақажыұлы болды.
Іс-шараға Қазақстан Республикасы Сыбайлас жемқорлыққа қарсы іс-қимыл агенттігінің Алматы қаласы бойынша департаменті басқармасының басшысы Сәлімбаев Қанат Әсембайұлы; «Филиа» Қазақстан грек қоғамдары қауымдастығы» заңды тұлғалар бірлестігінің төрағасы, Алматы қаласы ҚХА Ақсақалдар кеңесінің мүшесі – Иорданиди Георгий Константинович; Алматы қаласы Қоғамдық кеңесінің мүшесі, Алматы қаласы ҚХА Ақсақалдар кеңесінің мүшесі, Алматы қаласы ҚХА Аналар кеңесінің мүшесі, Алматы қалалық отбасы істері және гендерлік саясат комиссиясының мүшесі, отставкадағы полиция полковнигі, кәмелетке толмағандар саясаты саласындағы белгілі маман – Шопшекбаева Айгүл Шопшекбайқызы; «Қазақстандық дүнген қоғамы» РҚБ төрағасы, Алматы қаласы ҚХА Ақсақалдар кеңесінің мүшесі – Воинце Әбубәкір Вайсырұлы; «Ариана» этномәдени орталығы төрағасының орынбасары – Мохаммад Даут, сондай-ақ Алматы қаласы Қоғамдық даму басқармасы «Қоғамдық келісім» КММ басшылығы мен қызметкерлері, ҚХА этномәдени бірлестіктері мен қоғамдық құрылымдарының жетекшілері мен мүшелері қатысты.
Кездесу нәтижелі болды. Спикерлер сыбайлас жемқорлыққа қарсы күрес мәселесінде білім беру, ақпараттық және ұйымдастырушылық сипаттағы шаралар кешені арқылы жүзеге асырылатын Қазақстан Республикасында сыбайлас жемқорлыққа қарсы мәдениетті қалыптастыру, сондай-ақ жас ұрпақты сыбайлас жемқорлыққа қарсы дүниетаным және сыбайлас жемқорлық мінез-құлқына төзбеушілікті қалыптастыру мәселелеріне тарту маңызды екенін атап өтті. Жиынға қатысушылар осы мәселе төңірегінде өз ойларын ортаға салып, өздерінің пікірлерімен бөлісті.
Шара соңында ҚХА өкілдері қоғамда сыбайлас жемқорлыққа қарсы мәдениетті қалыптастыру бойынша түрлі іс-шаралар кешенін ұсынды.
